Qazaqstan Respýblıkasynyń Ulttyq Banki Basqarmasynyń qaýlysy  № 190

2014 jylǵy 22 qazan,  Almaty qalasy Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasyn taǵaıyndaý jáne bosatý qaǵıdalaryn jáne Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasynyń tóraǵasy men múshelerine qoıylatyn talaptardy bekitý týraly Normatıvtik quqyqtyq aktilerdi jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. mynalar: 1) osy qaýlynyń 1-qosymshasyna sáıkes Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasyn taǵaıyndaý jáne bosatý qaǵıdalary; 2) osy qaýlynyń 2-qosymshasyna sáıkes Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasynyń tóraǵasy men múshelerine qoıylatyn talaptar bekitilsin. 2. Qazaqstan Respýblıkasynyń mynadaı normatıvtik quqyqtyq aktileriniń kúshi joıyldy dep tanylsyn: 1) Qazaqstan Respýblıkasynyń Ulttyq Banki Basqarmasynyń «Májbúrlep taratylatyn banktiń, saqtandyrý (qaıta saqtandyrý) uıymynyń jáne jınaqtaýshy zeınetaqy qorynyń taratý komıssııasyn taǵaıyndaý jáne bosatý qaǵıdalaryn jáne taratý komıssııasynyń tóraǵasy men múshelerine qoıylatyn talaptardy bekitý týraly» 2013 jylǵy 25 aqpandaǵy № 71 qaýlysy (Normatıvtik quqyqtyq aktilerdi memlekettik tirkeý tiziliminde № 8411 tirkelgen, 2013 jylǵy 21 maýsymda «Zań gazeti» gazetinde № 91 (2292) jarııalanǵan); 2) Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń keıbir normatıvtik quqyqtyq aktilerine qarjy uıymdaryn baqylaý men qadaǵalaý máseleleri boıynsha ózgerister engizý týraly» 2013 jylǵy 27 tamyzdaǵy № 212 qaýlysymen (Normatıvtik quqyqtyq aktilerdi memlekettik tirkeý tiziliminde № 8805 tirkelgen, 2013 jylǵy 28 qarashada «Zań gazeti» gazetinde № 180 (2381) jarııalanǵan) bekitilgen Qazaqstan Respýblıkasynyń qarjy uıymdaryn baqylaý men qadaǵalaý máseleleri boıynsha ózgerister engiziletin normatıvtik quqyqtyq aktileri tizbesiniń 7-tarmaǵy. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy Q.KELIMBETOV. Qazaqstan Respýblıkasynyń Ulttyq Banki Basqarmasynyń 2014 jylǵy 22 qazandaǵy № 190 qaýlysyna 1-qosymsha Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasyn taǵaıyndaý jáne bosatý qaǵıdalary Osy Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasyn taǵaıyndaý jáne bosatý qaǵıdalary (budan ári – Qaǵıdalar) «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy, «Saqtandyrý qyzmeti týraly» 2000 jylǵy 18 jeltoqsandaǵy Qazaqstan Respýblıkasynyń zańdaryna sáıkes ázirlendi jáne Qazaqstan Respýblıkasy Ulttyq Bankiniń (budan ári – ýákiletti organ) májbúrlep taratylatyn banktiń, saqtandyrý (qaıta saqtandyrý) uıymynyń (budan ári – qarjy uıymy) taratý komıssııasynyń tóraǵasy men múshelerin taǵaıyndaý jáne bosatý tártibin aıqyndaıdy. 1. Jalpy erejeler 1. Májbúrlep taratylatyn qarjy uıymynyń taratý komıssııasynyń tóraǵasy men músheleri májbúrlep taratylatyn qarjy uıymynyń taratý komıssııasynyń tóraǵasy nemese múshesi bolyp taǵaıyndalý úshin qujattar usynǵan jáne Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasynyń tóraǵasy men múshelerine qoıylatyn talaptarǵa (budan ári – Talaptar) sáıkes keletin kandıdattar (budan ári – kandıdat) arasynan jáne (nemese) ýákiletti organnyń qyzmetkerleri arasynan taǵaıyndalady. 2. Ýákiletti organnyń qyzmetkerleri bolyp tabylmaıtyn májbúrlep taratylatyn qarjy uıymynyń taratý komıssııasynyń tóraǵasy men músheleri májbúrlep taratylatyn qarjy uıymynyń taratý komıssııasy qyzmetiniń barlyq kezeńi ishinde Talaptarǵa sáıkes keledi. 3. Májbúrlep taratylatyn qarjy uıymynyń taratý komıssııasynyń tóraǵasy men músheleri qarjy uıymynyń taratý massasy bolmaǵan ne ol aǵymdaǵy shyǵystardy jabý úshin jetkiliksiz bolǵan jaǵdaıda ýákiletti organnyń qyzmetkerleri arasynan taǵaıyndalady. Bos orynǵa kandıdattar bolmaǵan nemese kandıdattar Talaptarǵa sáıkes kelmegen jaǵdaıda da ýákiletti organnyń qyzmetkerin májbúrlep taratylatyn qarjy uıymynyń taratý komıssııasynyń tóraǵasy nemese múshesi etip taǵaıyndaýǵa jol beriledi. Ýákiletti organnyń qyzmetkerleri Qaǵıdalardyń 6 jáne 6-tarmaqtarynda kózdelgen qujattardy usynbaıdy jáne testileý men áńgimelesýden ótpeıdi. 4. Ýákiletti organ tabylmaıtyn májbúrlep taratylatyn qarjy uıymynyń taratý komıssııasy tóraǵasynyń jáne (nemese) múshesiniń bos ornyn alý týraly habarlandyrýdy ýákiletti organ qarjy uıymyn májbúrlep taratý týraly aryzben sotqa ótinish jasaǵan kúnnen bastap jeti jumys kúni ishinde ýákiletti organnyń Internet-resýrsynda jarııalaıdy. Taratý komıssııasyn qurý qarjy uıymyn májbúrlep taratý týraly sot sheshimi kúshine engen kúnnen bastap júzege asyrylady. Qarjy uıymyn májbúrlep taratý barysynda bos oryndar bolǵan kezde de bos oryndy alý týraly habarlandyrý ýákiletti organnyń ınternet-resýrsynda jarııalanady. 2. Kandıdat usynatyn qujattardy qaraý 5. Qaǵıdalardyń 8, 12-tarmaqtarynda kózdelgen jaǵdaılardy qospaǵanda, kandıdat májbúrlep taratylatyn qarjy uıymynyń ataýyn kórsete otyryp jáne mynadaı qujattardy qosa bere otyryp, ýákiletti organǵa ózin májbúrlep taratylatyn qarjy uıymynyń taratý komıssııasynyń tóraǵasy nemese múshesi etip taǵaıyndaý týraly ótinishin usynady: 1) kandıdattyń jeke basyn kýálandyratyn qujattyń notarıaldy kýálandyrylǵan kóshirmesi; 2) joǵary bilim týraly dıplomnyń notarıaldy kýálandyrylǵan kóshirmesi; 3) eńbek kitapshasynyń nemese eńbek shartynyń notarıaldy kýálandyrylǵan kóshirmeleri; 4) kandıdattyń buryn taratý komıssııasynyń tóraǵasy ne múshesi bolǵany týraly kýálandyratyn qujattardyń kóshirmeleri (mundaı qujattar bolǵan jaǵdaıda); 5) sottalmaǵandyǵy týraly anyqtama; 6) Qaǵıdalardyń qosymshasyna sáıkes nysan boıynsha kandıdat árbir paraǵyna qol qoıǵan jáne qol qoıǵan ózin májbúrlep taratylatyn qarjy uıymynyń taratý komıssııasynyń tóraǵasy ne múshesi etip taǵaıyndaýǵa arnalǵan kandıdat saýalnamasy; 7) usynylǵan qujattar tizimdemesi. 6. Májbúrlep taratylatyn ózge qarjy uıymynyń taratý komıssııasynyń tóraǵasy nemese múshesi bolyp tabylatyn ne bos orynǵa ótinish bergen kún aldyndaǵy jyl ishinde májbúrlep taratylatyn ózge qarjy uıymynyń taratý komıssııasynyń tóraǵasy nemese múshesi bolǵan kandıdat mynalardy qosa bere otyryp, ózin májbúrlep taratylatyn qarjy uıymynyń taratý komıssııasynyń tóraǵasy nemese múshesi etip taǵaıyndaý týraly ótinishin usynady: 1) kandıdattyń májbúrlep taratylatyn qarjy uıymynyń taratý komıssııasynyń tóraǵasy ne múshesi bolyp tabylatyny ne buryn bolǵany týraly kýálandyratyn qujattardyń kóshirmeleri; 2) Qaǵıdalardyń qosymshasyna sáıkes nysan boıynsha kandıdat árbir paraǵyna qol qoıǵan jáne qol qoıǵan ózin májbúrlep taratylatyn qarjy uıymynyń taratý komıssııasynyń tóraǵasy ne múshesi etip taǵaıyndaýǵa arnalǵan kandıdat saýalnamasy; 3) sottalmaǵandyǵy týraly anyqtama. 7. Ýákiletti organ Qaǵıdalardyń 5 jáne 6-tarmaqtarynda kórsetilgen qujattar usynylǵan kúnnen bastap on jumys kúni ishinde ózin taratý komıssııasynyń tóraǵasy nemese múshesi etip taǵaıyndaý týraly ótinish pen qujattardy olardyń Qaǵıdalardyń jáne Qazaqstan Respýblıkasynyń ózge zańnamasynyń talaptaryna sáıkestigin qaraıdy. Kandıdat usynǵan qujattardy tekserý úshin ýákiletti organ memlekettik organdarǵa jáne (nemese) ózge uıymdarǵa suraý salýlar jiberedi. 8. Ýákiletti organǵa usynylǵan Qaǵıdalardyń jáne Qazaqstan Respýblıkasynyń ózge zańnamasynyń talaptaryna sáıkes kelmeıtin qujattar kandıdatqa qaıtarylady. Qaıtarylǵan qujattardyń kóshirmeleri kandıdattyń is qaǵazdaryna qosyp tirkeledi. Kandıdattyń qaıtalap usynylǵan qujattary jańadan kelip túsken bolyp esepteledi jáne Qaǵıdalarda belgilengen tártippen qaralady. 9. Kandıdat usynǵan qujattardy qaraý nátıjeleri boıynsha ýákiletti organnyń tıisti qurylymdyq bólimshesi (budan ári – jaýapty bólimshe) testileýge jiberilgen kandıdat boıynsha qorytyndy (budan ári – kandıdat boıynsha qorytyndy) daıyndaıdy. Buryn májbúrlep taratylatyn nemese bankrot dep tanylǵan ózge qarjy uıymynyń nemese zańdy tulǵanyń basshy qyzmetkeri bolǵan kandıdat boıynsha qorytyndyda onyń kórsetilgen laýazymdardaǵy qyzmeti týraly jáne ol jol bergen buzýshylyqtar týraly kórsetiledi. Kandıdat boıynsha qorytyndy kandıdat usynǵan qujattar paketine qosa beriledi. 10. Saqtandyrý uıymdary májbúrlep taratylǵan jaǵdaıda depozıtterge mindetti kepildik berýdi júzege asyratyn uıymnyń nemese saqtanýshylarǵa (saqtandyrylǵandarǵa, paıda alýshylarǵa) saqtandyrý tólemderin júzege asyrýǵa kepildik beretin uıymnyń (budan ári – kepildik beretin uıym) qyzmetkeri bolyp tabylatyn, Talaptarǵa sáıkes keletin kandıdat Qaǵıdalardyń 5-tarmaǵynyń 6) tarmaqshasyn qospaǵanda, Qaǵıdalarda kózdelgen qujattardy usynbaıdy jáne testileýden ótpeıdi. Qaǵıdalardyń qosymshasyna sáıkes nysan boıynsha kepildik beretin uıymnyń qyzmetkeri árbir paraǵyna qol qoıǵan jáne qol qoıǵan ózin májbúrlep taratylatyn qarjy uıymynyń taratý komıssııasynyń tóraǵasy ne múshesi etip taǵaıyndaýǵa arnalǵan kandıdat saýalnamasy qosa berile otyryp kepildik beretin uıymnyń ótinishhaty kórsetilgen kandıdattyń áńgimelesýge jiberilýi úshin negiz bolyp tabylady. Kepildik beretin uıymnyń qyzmetkeri - kandıdattyń Talaptarǵa sáıkes kelýin kepildik beretin uıym qamtamasyz etedi. 11. Jaýapty bólimshe testileý ótkizýge deıin jeti jumys kúni buryn kandıdatty testileý ótkiziletin kún men oryn týraly jazbasha túrde habardar etedi. Kandıdat belgilengen merzimde testileýden ótý úshin negizdi sebepter boıynsha kelmegen jaǵdaıda, kandıdat kelmeý sebepterin kórsete otyryp, ýákiletti organǵa bul týraly habarlaıdy. Ýákiletti organ oǵan testileýden ótý úshin jańa merzim belgileıdi jáne testileý ótkizýge deıin úsh jumys kúni buryn kandıdatty bul týraly habardar etedi. 12. Kandıdattardy testileý 30 suraq boıynsha 45 mınýt ishinde kompıýterlik ádispen júrgiziledi. Testileýdi júrgizý kezinde kandıdattyń jazbasha, elektrondyq nemese basqa aqparattyq materıaldardy paıdalanýyna jol berilmeıdi. Kórsetilgen talaptardyń buzylýy testileýdiń teris nátıjesine teńestiriledi. Testileýdiń oń nátıjesi alynǵan jaǵdaıda (kem degende 70 paıyz durys jaýap) kandıdat áńgimelesýge jiberilgen bolyp esepteledi. Kandıdat testileýden ótkennen keıin dereý qol qoıǵyzý jolymen testileý nátıjelerimen tanystyrylýǵa tıis. 13. Áńgimelesýdi ýákiletti organnyń biliktilik komıssııasy mynadaı maqsatpen júrgizedi: 1) kandıdattyń qarjy uıymdaryn jáne ózge de zańdy tulǵalardy taratý rásimderin júzege asyrý tártibin retteıtin Qazaqstan Respýblıkasynyń normatıvtik quqyqtyq aktilerin bilýin anyqtaý; 2) kandıdattardyń Qaǵıdalarda belgilengen talaptarǵa sáıkestigin aqyndaý; 3) kandıdattyń kásibı bilimin, qabiletin jáne jeke qasıetterin anyqtaý. Áńgimelesý qorytyndylary ýákiletti organnyń biliktilik komıssııasynyń hattamasymen resimdeledi. 14. Ýákiletti organ mynadaı jaǵdaılarda: 1) usynylǵan qujattarda dáıeksiz aqparat bolsa; 2) kandıdat Qaǵıdalarda belgilengen talaptarǵa sáıkes kelmese; 3) testileýdiń nemese áńgimelesýdiń nátıjesi teris bolsa, ne dáleldi sebeptersiz testileýge jáne (nemese) áńgimelesýge kelmese kandıdatty májbúrlep taratylatyn qarjy uıymynyń taratý komıssııasynyń tóraǵasy nemese múshesi etip taǵaıyndamaıdy. 15. Ýákiletti organ áńgimelesýden ótpeı qalǵan kandıdatqa ýákiletti organnyń biliktilik komıssııasynyń hattamasyna qol qoıylǵan kúnnen bastap on jumys kúni ishinde tıisti jazbasha habarlama jiberedi. 3. Ýákiletti organnyń májbúrlep taratylatyn qarjy uıymynyń taratý komıssııasynyń quramyna qatysty sheshimder qabyldaý tártibi 16. Ýákiletti organ májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin taǵaıyndaý ne májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin mindetterin atqarýdan bosatý týraly sheshimderdi jaýapty bólimshe daıyndaǵan kandıdat boıynsha qorytyndy jáne ýákiletti organnyń biliktilik komıssııasynyń áńgimelesý qorytyndylary jónindegi hattamasy negizinde qabyldaıdy jáne ýákiletti organnyń birinshi basshysynyń (birinshi basshy orynbasarynyń) buıryǵy túrinde resimdeıdi. 17. Ýákiletti organnyń biliktilik komıssııasy ýákiletti organnyń birinshi basshysy (birinshi basshynyń orynbasary) buıryǵynyń negizinde qurylady. Ýákiletti organnyń biliktilik komıssııasyna tóraǵa - ýákiletti organnyń birinshi basshysynyń orynbasary basshylyq etedi. Ýákiletti organnyń biliktilik komıssııasynyń quramyna ýákiletti organnyń múddeli qurylymdyq bólimsheleriniń qyzmetkerleri kiredi. Ýákiletti organnyń biliktilik komıssııasynyń sheshimderi ýákiletti organnyń biliktilik komıssııasynyń otyrysyna qatysyp otyrǵan músheleriniń jaı kópshilik daýysymen qabyldanady. 18. Ýákiletti organnyń májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin taǵaıyndaý týraly buıryǵynda májbúrlep taratylatyn qarjy uıymynyń ataýy, májbúrlep taratylatyn qarjy uıymynyń taratý komıssııasy tóraǵasynyń jáne (nemese) músheleriniń tegi, aty jáne bar bolsa – ákesiniń aty, olardyń jeke basyn kýálandyratyn qujattardyń derektemeleri kórsetiledi. Ýákiletti organnyń taratý komıssııasynyń tóraǵasyn jáne (nemese) múshesin mindetterin atqarýdan bosatý týraly buıryǵynda májbúrlep taratylatyn qarjy uıymynyń ataýy, taratý komıssııasynyń tóraǵasyn jáne (nemese) múshesin bosatý negizderi kórsetiledi. 19. Ýákiletti organnyń kandıdatty májbúrlep taratylatyn qarjy uıymynyń taratý komıssııasynyń tóraǵasy jáne (nemese) múshesi qyzmetine taǵaıyndaý týraly ne májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin qyzmetinen bosatý týraly buıryqtarynyń kóshirmeleri buıryqqa qol qoıylǵan kúnnen bastap úsh jumys kúni ishinde olardyń jiberilýin tirkeýdi qamtamasyz etetin baılanys quraldarymen jiberiledi nemese kandıdattyń ne mindetterin atqarýdan bosatylǵan adamnyń ózine tapsyrylady. 20. Qaǵıdalarda belgilengen qujattardy usynýsyz, testileýden jáne áńgimelesýden ótýsiz: 1) májbúrlep taratylatyn qarjy uıymynyń taratý komıssııasy tóraǵasynyń mindetterin (taratý komıssııasy tóraǵasynyń orynbasary bolmaǵan jaǵdaıda) – májbúrlep taratylatyn qarjy uıymynyń taratý komıssııasynyń múshesine nemese jumysqa tartylǵan qyzmetkerge; 2) óńirdegi májbúrlep taratylatyn qarjy uıymynyń taratý komıssııasy múshesiniń (aýmaqtyq bólimshe basshysynyń) mindetterin – májbúrlep taratylatyn qarjy uıymynyń taratý komıssııasynyń basqa múshesine ne jumysqa tartylǵan qyzmetkerge ýaqytsha júkteýge jol beriledi. Ýákiletti organnyń májbúrlep taratylatyn qarjy uıymynyń taratý komıssııasy tóraǵasynyń nemese múshesiniń mindetterin atqarýdy ýaqytsha júkteý týraly buıryǵy jaýapty bólimshe daıyndaǵan jáne ýákiletti organnyń biliktilik komıssııasynyń tóraǵasy maquldaǵan kandıdat boıynsha qorytyndy negizinde shyǵarylady. Ýákiletti organnyń biliktilik komıssııasynyń taratý komıssııasy tóraǵasynyń nemese múshesiniń mindetterin atqarýdy ýaqytsha júkteý máselesi jónindegi otyrysy ótkizilmeıdi. 4. Májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshelerin mindetterin oryndaýdan bosatý tártibi 21. Jaýapty bólimshe májbúrlep taratylatyn qarjy uıymynyń taratý komıssııasynyń esepteri, májbúrlep taratylatyn qarjy uıymynyń taratý komıssııasynyń qyzmetine júrgizilgen tekserýler aktileri, ótinishhattar men ózge de materıaldar negizinde qorytyndy daıyndaıdy jáne májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin mindetterin oryndaýdan bosatý týraly máseleni ýákiletti organnyń biliktilik komıssııasynyń otyrysyna engizedi. 22. Ýákiletti organ mynadaı jaǵdaılarda: 1) taratý komıssııasynyń tóraǵasy jáne (nemese) múshesi ýákiletti organǵa óziniń kandıdatýrasyn taratý komıssııasynyń tóraǵasy jáne (nemese) múshesi qyzmetine qaraý kezinde kórineý jalǵan qujattar nemese málimetter usynǵanda; 2) óz mindetterin oryndamaǵanda jáne (nemese) tıisinshe oryndamaǵanda; 3) Qazaqstan Respýblıkasy zańnamasynyń qarjy uıymdaryn jáne basqa zańdy tulǵalardy taratý rásimderin júrgizý jónindegi talaptaryn buzǵanda; 4) ýákiletti organ Qaǵıdalardyń 3-tarmaǵynyń birinshi bóligine sáıkes taratý komıssııasynyń tóraǵasyn jáne (nemese) múshelerin ýákiletti organ qyzmetkerleriniń arasynan taǵaıyndaý týraly sheshim shyǵarǵanda; 5) mindetterin atqarýdan bosatý kúnine deıin kúntizbelik jıyrma kún buryn óz qalaýy boıynsha mindetterin atqarýdan bosatý týraly ótinish berilgende; 6) mindetterin atqarýdan bosatý kúnine deıin kúntizbelik jıyrma kún buryn usynylǵan kepildik beretin uıymnyń májbúrlep taratylatyn qarjy uıymynyń taratý komıssııasy tóraǵasynyń jáne (nemese) múshesiniń mindetterin atqarýdan óziniń qyzmetkerin bosatý týraly ótinishhaty bolǵanda; 7) jumys kóleminiń qysqarýyna baılanysty taratý komıssııasynyń múshesin mindetterin atqarýdan bosatý týraly ýákiletti organ sheshim shyǵarǵanda nemese májbúrlep taratylatyn qarjy uıymynyń taratý komıssııasy tóraǵasynyń ótinishhaty bolǵanda; 8) ýákiletti organnyń qyzmetkerin májbúrlep taratylatyn qarjy uıymynyń taratý komıssııasynyń quramynan shyǵarýdyń qyzmettik qajettiligi bolǵanda (laýazymdyq mindetterin qaıta bólý) májbúrlep taratylatyn qarjy uıymynyń taratý komıssııasynyń tóraǵasyn jáne (nemese) múshesin mindetterin oryndaýdan bosatady. Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasyn taǵaıyndaý jáne bosatý qaǵıdalaryna qosymsha Nysan 3 h 4 fotosýret Kandıdattyń májbúrlep taratylatyn qarjy uıymynyń taratý komıssııasynyń tóraǵasy ne múshesi etip taǵaıyndaýǵa arnalǵan saýalnamasy ____________________________________________________________________ (májbúrlep taratylatyn qarjy uıymynyń tolyq ataýy) ____________________________________________________________________ 20__ jylǵy ___________________ (kúni) Bos oryn ataýy ______________________________ ________________________________________________________________ О́mirbaıan derekteri 1. Tegi, aty, bar bolsa – ákesiniń aty ____________________________________________________________________ (tolyq kórsetińiz) 2. Turǵylyqty jeriniń mekenjaıy (onyń ishinde pochta ındeksin kórsete otyryp) ____________________________________________________________________ 3. Týǵan kúni men jeri ____________________________________________________________________ 4. Azamattyǵy ____________________________________________________________________ 5. Jeke basyn kýálandyratyn qujattyń tolyq derektemeleri ____________________________________________________________________ 6. Turǵylyqty jeri boıynsha tirkelýi ____________________________________________________________________ 7. Baılanys telefonynyń nómiri____________________________ 8. Bilimi týraly derekter (biliktilikti kóterý kýrstaryn qosa alǵanda) № oqý ornynyń, fakýltettiń (bólimsheniń, mamandyqtyń) ataýy) oqý kezeńi berilgen mamandyq bilimi týraly dıplomnyń, sertıfıkattyń, kýáliktiń derektemeleri oqý ornynyń ornalasqan jeri 11. 22. .... 9. Sizdiń biliktiligińizdi jáne quzyrettiligińizdi obektıvti túrde aıqyndaý úshin mańyzdy dep sanaıtyn kez kelgen basqa aqparat____________________________________________________________ ____________________________________________________________________ 10. О́zge qarjy uıymdarynyń jáne zańdy tulǵalardyń jarǵylyq kapıtalynda tikeleı jáne (nemese) janama qatysý № zańdy tulǵanyń ataýy men ornalasqan jeri zańdy tulǵa qyzmetiniń jarǵylyq túrleri Sizdiń osy zańdy tulǵanyń jarǵylyq kapıtalynda qatysý somańyz ben úlesińiz 1. 2. … 11. Alynǵan qaryzdar týraly málimetter № qaryz bergen tulǵanyń ataýy (adamnyń aty) men ornalasqan jeri qaryz boıynsha negizgi borysh somasy qaryz berilgen kún qaryzótelgen kún aǵymdaǵy sáttegi bereshek somasy qaryz boıynsha syıaqy stavkasy (jyldyq %) 1. 2. ... 12. Qarjy salasynda ákimshilik quqyq buzýshylyqtar úshin ákimshilik jaýapkershilikke tartyldyńyz ba? ____________________________________________________________________ 13. Siz buryn ózge qarjy uıymyn nemese zańdy tulǵany májbúrlep taratý týraly sheshim qabyldanǵanǵa deıin (onyń ishinde bankrottyq negizi boıynsha) bir jyldan aspaıtyn kezeńde ózge qarjy uıymynyń nemese zańdy tulǵanyń birinshi basshysy (basqarma tóraǵasy), birinshi basshynyń orynbasary, bas býhgalteri boldyńyz ba? ____________________________________________________________________ ____________________________________________________________________ (uıymnyń ataýy, laýazymy, jumys kezeńi, taratý (bankrottyq) týraly sottyń sheshim shyǵarǵan kúni, taratylý (bankrot bolý) sebebi) 14. Sizdiń ótelmegen sottylyǵyńyz bar ma?________________________ ____________________________________________________________________ 15. Sizge qatysty Qazaqstan Respýblıkasy zańnamasynyń ózge qarjy uıymdaryn jáne zańdy tulǵalardy taratý rásimderin júrgizý jónindegi talaptaryn buzý, ózge qarjy uıymdaryn jáne zańdy tulǵalardy taratý rásimderin júzege asyrǵan kezde mindetterdi oryndamaý nemese tıisinshe oryndamaý, jekelegen kredıtorlardyń múddelerine qysym jasaıtyn ne jekelegen kredıtorlarǵa artyqshylyq beretin áreketter (áreketsizdik) jasaý faktileri bar ma? Osylar bar bolsa, qandaı ekenin kórsetińiz____________________________________________________________ ____________________________________________________________________ (uıymnyń ataýy, laýazymy, jumys kezeńi) 16. Sizdiń sońǵy úsh jyl ishinde Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 54-baby 1-tarmaǵynyń 7), 9), 10), 13), 15) jáne 18) kózdelgen negizder boıynsha jumys berýshiniń bastamasymen eńbek shartyn buzý faktileri bar ma? ____________________________________________________________________ 17. Siz buryn májbúrlep taratylatyn nemese bankrot dep tanylǵan ózge qarjy uıymynyń nemese zańdy tulǵanyń basshy qyzmetkeri boldyńyz ba? ____________________________________________________________________ (uıymnyń ataýy, laýazymy, jumys kezeńi, taratý (bankrottyq) týraly sottyń sheshim shyǵarǵan kúni, taratylý (bankrot bolý) sebebi) 18. Siz boryshkerdiń nemese májbúrlep taratylatyn qarjy uıymy kredıtorynyń quryltaıshysy (qatysýshysy, aksıoneri) ne laýazymdy adamy bolyp tabylasyz ba? __________________________________________ 19. Siz májbúrlep taratylatyn qarjy uıymynyń quryltaıshysy (aksıoneri) bolyp tabylasyz ba? ______________________________ 20. Siz májbúrlep taratylatyn qarjy uıymynyń debıtory ne kredıtory bolyp tabylasyz ba?_ _____________________________ ____________________________________________________________________ 21. Siz «Aksıonerlik qoǵamdar týraly» 2003 jylǵy 13 mamyrdaǵy Qazaqstan Respýblıkasy Zańynyń 64-babyna sáıkes májbúrlep taratylatyn qarjy uıymyna qatysty úlestes tulǵa bolyp tabylasyz ba?______________________________________________________ 22. Sizdiń ózge laýazymdy (qyzmetti) atqarýyńyzǵa baılanysty Qazaqstan Respýblıkasynyń zańnamalyq aktilerimen belgilengen shekteýlerińiz bar ma? _________________________________________________________________ Qoly _______________ kúni _________________ Qazaqstan Respýblıkasynyń Ulttyq Banki Basqarmasynyń 2014 jylǵy 22 qazandaǵy № 190 qaýlysyna 2-qosymsha Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasynyń tóraǵasy men múshelerine qoıylatyn talaptar 1. Osy Májbúrlep taratylatyn banktiń, saqtandyrý (qaıta saqtandyrý) uıymynyń taratý komıssııasynyń tóraǵasy men múshelerine qoıylatyn talaptar (budan ári – Talaptar) «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy, «Saqtandyrý qyzmeti týraly» 2000 jylǵy 18 jeltoqsandaǵy Qazaqstan Respýblıkasynyń zańdaryna sáıkes ázirlendi jáne májbúrlep taratylatyn banktiń, saqtandyrý (qaıta saqtandyrý) uıymynyń (budan ári – qarjy uıymy) taratý komıssııasynyń tóraǵasy men múshelerine qoıylatyn talaptardy belgileıdi. 2. Májbúrlep taratylatyn qarjy uıymynyń taratý komıssııasynyń tóraǵasy nemese múshesi bolyp taǵaıyndalatyn kandıdatqa mynadaı talaptar qoıylady: 1) joǵary ekonomıkalyq nemese zań biliminiń nemese býhgalterlik esep pen aýdıt salasynda joǵary biliminiń bolýy; 2) qarjy uıymdaryn jáne basqa zańdy tulǵalardy taratý tártibin retteıtin Qazaqstan Respýblıkasynyń normatıvtik quqyqtyq aktilerin bilý. 3. Mynandaı adam májbúrlep taratylatyn qarjy uıymynyń taratý komıssııasynyń tóraǵasy nemese múshesi bolyp taǵaıyndalmaıdy: 1) ótelmegen sottylyǵy bar; 2) oǵan qatysty Qazaqstan Respýblıkasy zańnamasynyń qarjy uıymdaryn jáne basqa zańdy tulǵalardy taratý rásimderin júrgizý jónindegi talaptaryn buzý faktileri anyqtalǵan; 3) oǵan qatysty qarjy uıymdaryn jáne basqa zańdy tulǵalardy taratý rásimderin júrgizý kezinde mindetterin oryndamaý nemese tıisinshe oryndamaý faktileri anyqtalǵan; 4) oǵan qatysty jekelegen kredıtorlardyń múddelerine qysym jasaıtyn ne jekelegen kredıtorlarǵa artyqshylyq beretin áreketter (áreketsizdik) jasaý faktileri anyqtalǵan (buryn ózge qarjy uıymdarynyń jáne zańdy tulǵalardyń taratý komıssııasynyń tóraǵasy nemese múshesi bolǵan adam úshin); 5) sońǵy úsh jyl ishinde Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 54-baby 1-tarmaǵynyń 7), 9), 10), 13), 15) jáne 18) tarmaqshalarynda kózdelgen negizder boıynsha jumys berýshiniń bastamasymen eńbek shartyn buzý faktileri bar; 6) ózge qarjy uıymyn nemese zańdy tulǵany májbúrlep taratý týraly sheshim qabyldanǵanǵa deıin (onyń ishinde bankrottyq negizi boıynsha) bir jyldan aspaıtyn kezeńde buryn ózge qarjy uıymynyń nemese zańdy tulǵanyń birinshi basshysy (basqarma tóraǵasy), birinshi basshynyń orynbasary, bas býhgalteri bolǵan. Kórsetilgen talap ózge qarjy uıymyn nemese zańdy tulǵany májbúrlep taratý týraly sheshim qabyldaǵan kúnnen keıin bes jyl boıy qoldanylady (onyń ishinde bankrottyq negizi boıynsha); 7) saqtandyrý uıymdary májbúrlep taratylǵan jaǵdaıda depozıtterge mindetti kepildik berýdi júzege asyratyn uıymnyń nemese saqtanýshylarǵa (saqtandyrylǵandarǵa, paıda alýshylarǵa) saqtandyrý tólemderin júzege asyrýǵa kepildik beretin uıymnyń laýazymdy adamyn qospaǵanda, boryshkerdiń nemese májbúrlep taratylatyn qarjy uıymy kredıtorynyń quryltaıshysy (qatysýshysy, aksıoneri) ne laýazymdy adamy bolyp tabylatyn; 8) májbúrlep taratylatyn qarjy uıymynyń quryltaıshysy (aksıoneri) bolyp tabylatyn; 9) májbúrlep taratylatyn qarjy uıymynyń debıtory ne kredıtory bolyp tabylatyn; 10) «Aksıonerlik qoǵamdar týraly» 2003 jylǵy 13 mamyrdaǵy Qazaqstan Respýblıkasy Zańynyń 64-babyna sáıkes májbúrlep taratylatyn qarjy uıymyna qatysty úlestes tulǵa bolyp tabylatyn; 11) ózge laýazymdy (qyzmetti) atqarýǵa baılanysty Qazaqstan Respýblıkasynyń zańnamalyq aktilerimen belgilengen shekteýleri bar. Buıryq Qazaqstan Respýblıkasynyń Ádilet mınıstrliginde 2014 jylǵy 9 jeltoqsanda Normatıvtik quqyqtyq kesimderdi memlekettik tirkeýdiń tizilimine №9945 bolyp engizildi.